10 ნოემბერს, UNESCO აღნიშნავს მეცნიერების საერთაშორისო დღეს მშვიდობისა და განვითარებისთვის. აღნიშნული დღე ხაზს უსვამს მეცნიერების მნიშვნელოვან როლს საზოგადოებაში და ახალი სამეცნიერო საკითხების განხილვაში საზოგადოების ჩართულობის აუცილებლობას. იგი ასევე ამახვილებს ყურადღებას ყოველდღიურ ცხოვრებაში მეცნიერების მნიშვნელობასა და აქტუალობაზე.

მეცნიერების საერთაშორისო დღე მშვიდობისა და განვითარებისთვის მიზნად ისახავს მეცნიერების უახლესი განვითარების შესახებ მოქალაქეების ინფორმირებას, საზოგადოებისა და მეცნიერების დაახლოების გზით.

2001 წელს UNESCO-ს მიერ დღის გამოცხადების შემდეგ, მსოფლიო მეცნიერების დღის ფარგლებში განხორციელდა მრავალი ახალი კონკრეტული პროექტი და პროგრამა.

საქართველოს სოფლის მეურნეობის მეცნიერებათა აკადემიაში მეცნიერების მსოფლიო დღესთან დაკავშირებით  2021 წლის 10 ნოემბერს ჩატარდა ინტერნეტ სამეცნიერო-პრაქტიკული კონფერენცია თემაზე: „ადგილობრივი სასოფლო-სამეურნეო ცხოველთა გენოფონდის დაცვა და განვითარების პერსპექტივები“.

კონფერენციის ორგანიზატორი:

• Øსაქართველოს სოფლის მეურნეობის მეცნიერებათა აკადემიის აკადემიური დეპარტამენტი;
• Øსაქართველოს სოფლის მეურნეობის მეცნიერებათა აკადემიის მეცხოველეობისა და ვეტერინარიის სამეცნიერო განყოფილება;
• Øგარემოს დაცვის, მცენარეთა გენეტიკური რესურსებისა და  აგრობიომრავალფეროვნების საკოორდინაციო ცენტრი.

კონფერენციის მუშაობაში მონაწილეობა მიიღეს მეცხოველეობის დარგის თვალსაჩინო მეცნიერებმა, დოქტორანტებმა და დარგის წამყვანმა სპეციალისტებმა.

              კონფერენციაზე წარმოდგენილი მასალები ასახულია კონფერენციის შრომათა კრებულში, რომლის ელექტრონული ვერსია დაეგზავნებათ კონფერენციის თითოეულ მონაწილეს, აგრეთვე ისინი მიიღებენ კონფერენციაში მონაწილეობის სერტიფიკატებს.

            (კონფერენციის შრომათა კრებული იხილეთ ბმულზე  #01.     #02 ).

2021 წლის 10 ნოემბერს ჩატარდა საქართველოს სოფლის მეურნეობის მეცნიერებათა აკადემიის საერთო კრება

შემდეგი დღის წესრიგით

1. ინფორმაცია საქართველოს სოფლის მეურნეობის მეცნიერებათა აკადემიის მეცხოველეობისა და ვეტერინარიის სამეცნიერო განყოფილებაში - სპეციალობა „მეცხოველეობა“,გარემოს დაცვისა და სატყეო საქმის სამეცნიერო განყოფილებაში -

სპეციალობით „სატყეო საქმე“, სურსათის უვნებლობისა და სასურსათო ტექნოლოგიის სამეცნიერო განყოფილებაში - სპეციალობით „ბიოტექნოლოგია“ გამოცხადებული აკადემიის ნამდვილი წევრების (აკადემიკოსების) ვაკანტურ ადგილებზე კონკურსის ჩატარების შესახებ. 

მომხსენებელი: აკადემიის საექსპერტო-საკონკურსო კომისიის თავმჯდომარე, აკადემიკოსი ნოდარ ჭითანავა;

2.საქართველოს სოფლის მეურნეობის მეცნიერებათა აკადემიის მიერ გამოცხადებულ აკადემიის ნამდვილი წევრების (აკადემიკოსების) ვაკანტურ ადგილებზე ასარჩევად კონკურსის ჩატარება (ფარული კენჭისყრა).

3.ინფორმაცია საქართველოს სოფლის მეურნეობის მეცნიერებათა აკადემიის მიერ 2021 წელს მიმდინარე სამეცნიერო საქმიანობის შესახებ;

მომხსენებელი: აკადემიის პრეზიდენტი, აკადემიკოსი გურამ ალექსიძე.  

4. მიმდინარე საკითხები.

          დღის წესრიგის პირველ საკითხზე მოხსენებით გამოვიდა აკადემიის საექსპერტო-საკონკურსო კომისიის თავმჯდომარე აკად. ნოდარ ჭითანავა. მომხსენებელმა აკადემიის საერო კრებას მოახსენა, რომ 2021 წლის 30 აგვისტოს გამოცხადდა კონკურსი აკადემიის ნამდვილი წევრების (აკადემიკოსების) ვაკანსიებზე. 2021 წლის 25 ოქტომბერს გაიმართა აკადემიის მეცხოველეობისა და ვეტერინარიის და აგრონომიის სამეცნიერო განყოფილებების გაერთიანებული სხდომა, სადაც გაიმართა ფარული კენჭისყრა და მეცხოველეობისა და ვეტერინარიის სამეცნიერო განყოფილებაში გამოცხადებულ კონკურსში სპეციალობით „მეცხოველეობა“ მონაწილეობის მისაღებად ერთხმად რეკომენდაცია მიეცა აკადემიის სტიპენდიატს, დოქტორ ანატოლი გიორგაძეს;

          მომხსენებლმა აღნიშნა აგრეთვე, რომ 2021 წლის 26 ოქტომბერს ჩატარდა აკადემიის გარემოს დაცვისა და სატყეო საქმის და აგროინჟინერიის სამეცნიერო განყოფილებების გაერთიანებული სხდომა, სადაც გაიმართა ფარული კენჭისყრა და გარემოს დაცვისა და სატყეო საქმის სამეცნიერო განყოფილებაში გამოცხადებულ კონკურსში სპეციალობით „სატყეო საქმე“ მონაწილეობის მისაღებად ერთხმად რეკომენდაცია მიეცა სოფლის მეურნეობის მეცნიერებათა დოქტორს ლაშა დოლიძეს;

             აკად. ნ. ჭითანავამ აკადემიის საერთო კრებას მოახსენა, რომ 2021 წლის 26 ოქტომბერს გაიმართა აკადემიის სურსათის უვნებლობისა და სასურსათო ტექნოლოგიის და აგროინჟინერიის სამეცნიერო განყოფილებების გაერთიანებული სხდომა, სადაც გაიმართა ფარული კენჭისყრა და სურსათის უვნებლობისა და სასურსათო ტექნოლოგიის სამეცნიერო განყოფილებაში გამოცხადებულ კონკურსში სპეციალობით „ბიოტექნოლოგია“ მონაწილეობის მისაღებად ერთხმად რეკომენდაცია მიეცა ბიოლოგიის მეცნიერებათა დოქტორს ედიშერ კვესიტაძეს.

        აკად. ნ. ჭითანავამ აკადემიის საერთო კრებას გააცნო კონკურსანტების დოქტ. ანატოლი გიორგაძის, სოფლის მეურნეობის მეცნიერებათა დოქტორ ლაშა დოლიძის და ბიოლოგიის მეცნიერებათა დოქტორ ედიშერ კვესიტაძის ბიოგრაფიული მონაცემები, მათი სამეცნიერო, პედაგოგიური და საზოგადოებრივი საქმიანობის შესახებ.

            აკადემიის საერთო კრებამ მიიღო გადაწყვეტილება, რომ კონკურსანტები დოქტორი ანატოლი გიორგაძე, ს.მ. მეცნიერებათა დოქტორი ლაშა დოლიძე და ბიოლოგიის მეცნიერებათა დოქტორი ედიშერ კვესიტაძე შეტანილნი იქნენ ფარული კენჭისყრისათვის საარჩევნო ბიულეტენებში.

           აკადემიის საერთო კრებაზე ჩატარებული ფარული კენჭისყრის შედეგად საქართველოს სოფლის მეურნეობის მეცნიერებათა აკადემიის ნამდვილ წევრებად (აკადემიკოსებად) არჩეული არიან:

სოფლის მეურნეობი დოქტორი ანატოლი გიორგაძე - მეცხოველეობისა და ვეტერინარიის სამეცნიერო განყოფილებაში, სპეციალობით „მეცხოველეობა“;

სოფლის მეურნეობის მეცნიერებათა დოქტორი ლაშა დოლიძე - გარემოს დაცვისა და სატყეო საქმის სამეცნიერო განყოფილებაში, სპეციალობით „სატყე საქმე“;

ბიოლოგიის მეცნიერებათა დოქტორი ედიშერ კვესიტაძე - სურსათის უვნებლობისა და სასურსათო ტექნოლოგიის სამეცნიერო განყოფილებაში, სპეციალობით „ბიოტექნოლოგია“.

               დღის წესრიგის მეორე საკითხზე მოხსენებით გამოვიდა საქართველოს სოფლის მეურნეობის მეცნიერებათა აკადემიის პრეზიდენტი, აკად. გურამ ალექსიძე.    (მოხსენება იხ. ბმულზე)

            მოხსენების ირგვლივ დისკუსიაში მონაწილეობა მიიღეს აკადემიკოსებმა გოგოლა მარგველაშვილმა, ზურაბ ცქიტიშვილმა, ნუგზარ ბაღათურიამ, თემურ რევიშვილმა, გურამ პაპუნიძემ, გიორგი გაგოშიძემ, რევაზ ასათიანმა და აკადემიის ვიცე - პრეზიდენტმა, აკად. გივი ჯაფარიძემ.

           საქართველოს სოფლის მეურნეობის მეცნიერებათა აკადემიის პრეზიდიუმი ულოცავს ანატოლი გიორგაძეს, ლაშა დოლიძეს და ედიშერ კვესიტაძეს აკადემიის ნამდვილ წევრებად (აკადემიკოსად) არჩევას, უსურვებს მათ მრავალ წარმატებებს სამეცნიერო, პედაგოგიურ და საზოგადოებრივ საქმიანობაში ჩვენი ქვეყნის საკეთილდღეოდ.

სელექციონერი, როგორც ჩანს, დედამიწის ზურგზე ყველაზე “მდგრადი” პროფესიაა. იცვლებიან მეფეები, პრეზიდენტები, გუბერნატორები, გენერალური და რიგითი მდივნები და სხვა უფროსები, სელექციონერები კი ნებისმიერ ხელისუფლებას უეჭველად სჭირდება, ისევე, როგორც პური ჩვენი არსობისა, რომელიც არასოდეს არ არის სამყოფი… თუმცა მხოლოდ იმ წუთამდე, სანამ არ მოგვევლინა დიდი სელექციონერი, რომელსაც ხელეწიფება არა მარტო თავისი ხალხის გამოკვება, არამედ უცხოელებისაც.

დღეს ჩვენ გვყავს ასეთი სელექციონერი - აკადემიკოსი ბაგრატ ისმენის-ძე სანდუხაძე!იგი იყო პირველი მეცნიერი-სელექციონერი, რომელსაც დემიდოვის პრემია მიენიჭა იმ მიღწევებისთვის, რომელთა მსგავსი არც ჩვენში, არც მსოფლიოში არავის მოუპოვებია.

(აკად. ბაგრატ სანდუხაძეს ეძღვნება ქართველი მეცნიერების - აკადემიკოს რამაზ ხუროძის, საქართველოს სოფლის მეურნეობის მეცნიერებათა აკადემიის აკადემიკოსის პაატა კოღუაშვილის და პროფესორ რამაზ გახოკიძის სტატია „ხორბლის სელექციის დიდოსტატი - თანამედროვეობის უდიდესი ქართველი სელექციონერი” იხილეთ ბმულზე).

საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის  შესაბამისად 2021 წლის 29 ოქტომბერს გათვალიწინებული  აკადემიის პრეზიდიუმის სხდომა (გამოკითხვის წესით) ჩატარდა შემდეგი დღის წესრიგით:

1 . საქართველოს სოფლის მეურნეობის მეცნიერებათა აკადემიის საერთო კრების დანიშვნის შესახებ.

მომხსენებელი: საქართველოს სოფლის მეურნეობის მეცნიერებათა აკადემიის პრეზიდენტი, აკად გურამ ალექსიძე.

2. ევროპის სოფლის მეურნეობის, სურსათისა და ბუნებათსარგებლობის აკადემიების კავშირის UEAA-ს საერთაშორისო სამეცნიერო კონფერენციის (თემა: „სოფლის მეურნეობის მექანიზაცია და ტექნოლოგიები ევროპაში და პერსპექტივები“) საქართველოს სოფლის მეურნეობის მეცნიერებათა აკადემიაში ჩატარების თარიღის განსაზღვრის შესახებ.

მომხსენებელი: ევროპის სოფლის მეურნეობის, სურსათისა და ბუნებათსარგებლობის აკადემიების კავშირის UEAA-ს პრეზიდენტი, საქართველოს სოფლის მეურნეობის მეცნიერებათა აკადემიის პრეზიდენტი, აკად. გურამ ალექსიძე.

3.  მიმდინარე საკითხები.

საქართველოს სოფლის მეურნეობის მეცნიერებათა აკადემიაში

2021 წლის 30 აგვისტოს აკადემიის ვაკანტურ ადგილებზე ნამდვილ წევრად (აკადემიკოსად) გამოცხადებულ კონკურსთან დაკავშირებით

ჩატარდა გაერთიანებული სამეცნიერო განყოფილებების სხდომები კონკურსანტებისათვის კონკურსში მონაწილეობისათვის რეკომენდაციის ან დაშვების მიცემის შესახებ.

2021 წლის 25 ოქტომბერს 12-00 საათზე გაიმართა აკადემიის მეცხოველეობისა

და ვეტერინარიის და აგრონომიის სამეცნიერო განყოფილებების გაერთიანებული სხდომა,

          სადაც გაიმართა ფარული კენჭისყრა და მეცხოველეობისა და ვეტერინარიის

სამეცნიერო განყოფილებაში გამოცხადებულ კონკურსში სპეციალობით 

„მეცხოველეობა“   მონაწილეობის მისაღებად ერთხმად რეკომენდაცია მიეცა აკადემიის სტიპენდიატს,       

                               დოქტორ   ანატოლი  გიორგაძეს;                                        

2021 წლის 26 ოქტომბერს 12-00 საათზე გაიმართა აკადემიის გარემოს დაცვისა და სატყეო საქმის და

აგროინჟინერიის სამეცნიერო განყოფილებების გაერთიანებული სხდომა, 

სადაც გაიმართა ფარული კენჭისყრა და გარემოს დაცვისა და სატყეო საქმის სამეცნიერო განყოფილებაში 

გამოცხადებულ კონკურსში სპეციალობით „სატყეო საქმე“ მონაწილეობის მისაღებად ერთხმად რეკომენდაცია მიეცა

სოფლის მეურნეობის მეცნიერებათა

დოქტორს ლაშა დოლიძეს

2021 წლის 26 ოქტომბერს 14-00 საათზე  გაიმართა აკადემიის

სურსათის უვნებლობისა და სასურსათო ტექნოლოგიის და აგროინჟინერიის სამეცნიერო განყოფილებების გაერთიანებული სხდომა,

             სადაც გაიმართა ფარული კენჭისყრა და სურსათის უვნებლობისა და სასურსათო ტექნოლოგიის სამეცნიერო  განყოფილებაში

გამოცხადებულ კონკურსში სპეციალობით „ბიოტექნოლოგია“  

                         მონაწილეობის მისაღებად ერთხმად რეკომენდაცია მიეცა

                                                  ბიოლოგიის მეცნიერებათა     დოქტორს   ედიშერ კვესიტაძეს.

    2021 წლის 19 ოქტომბერს ჩატარდა საქართველოს სოფლის მეურნეობის მეცნიერებათა აკადემიის სამეცნიერო საბჭოს გამსვლელი სემინარი სამეცნიერო-საწარმოო გაერთიანებაში „ბიოტექსი“. სემინარს ხელმძღვანელობდნენ აკადემიის სამეცნიერო საბჭოს თავმჯდომარის მოადგილე, მეცხოველეობისა და ვეტერინარიის სამეცნიერო განყოფილების აკადემიკოს-მდივანი, აკად. ჯემალ გუგუშვილი და აკადემიის აკადემიური დეპარტამენტის უფროსი, აკად. ელგუჯა შაფაქიძე.
სემინარი გახსნა აკად. ჯ. გუგუშვილმა, რომელმაც ხაზი გაუსვა სამეცნიერო ღონისძიებების აღნიშნული ფორმით საქართველოს სოფლის მეურნეობის მეცნიერებათა აკადემიისა და სამეცნიერო-საწარმოო გაერთიანების თანამშრომლობის მნიშვნელობას.
სემინარის მონაწილეებს კომპანია „ბიოტექსის“ ისტორიის, საქმიანობისა და სამომავლო გეგმების შესახებ ესაუბრა კომპანიის დირექტორი, სოფლის მეურნეობის დოქტორი ნიკოლოზ ზაზაშვილი, რომელმაც აღნიშნა, რომ შპს „ბიოტექსი“ წარმოადგენს აგრარულ სფეროში, ვეტერინარული მედიკამენტების, ვიტამინურ, მინერალურ საკვებ დანამატების, სადეზინფექციო, სადეზინსექციო, სადერატიზაციო და მცენარეთა დაცვის სხვადასხვა საშუალებების მწარმოებელ კომპანიას. დაარსების წელია 1991 წელი, თავდაპირველი სახელწოდებით „სოდანი“, ხოლო 1996 წლიდან – სამეცნიერო საწარმოო გაერთიანება – „ბიოტექ ეკო სინთეზი“ ანუ შემოკლებით „ბიოტეკსი“. მის სახელს უკავშირდება არამხოლოდ საქართველოში კარგად ცნობილი 180-მდე დასახელების ქართული პროდუქტი, რომელთა შექმნასა და დანერგვაში მონაწილეობს 20-მდე მეცნიერ-თანამშრომელი და 100-ზე მეტი სპეციალისტი. „ბიოტექსი“ მისი პროდუქციის სრულ სპექტრს ძირითადად აწარმოებს ადგილობრივი ბაზრის მოთხოვნილებების დაკმაყოფილების მიზნით, ხოლო ნაწილობრივ გარე ბაზრისთვის, რეგიონში, მეზობელი ქვეყნების მოთხოვნების შესაბამისად „ბიოტექსი“ ყოველდღიურად ცდილობს მისი პროდუქცია თანამედროვეობის ზუსტი გამოძახილი იყოს. ბოლო წლებში თანამედროვე სტანდარტების მანქანა-დანადგარებით აღიჭურვა რამდენიმე საწარმოო უბანი. დაიხვეწა წარმოებისა და კონტროლის სისტემები. შპს „ბიოტექსი“ სერთიფიცირებულია TÜV.SÜD–ს მიერ ISO 9001 - 2015 საერთაშორისო სტანდარტის შესაბამისად. აღსანიშნავია ის, რომ დღეისათვის მისი საწარმოო პრაქტიკა სრულ შესაბამისობაშია GMP სტანდარტთან.  

                         გრძელდება მუშაობა სერთიფიცირებასთან დაკავშირებით.
დოქტ. ნ. ზაზაშვილმა აღნიშნა აგრეთვე, რომ ბოლო დროს, საქართველოში, თანამედროვე ტექნოლოგიების დანერგვასთან და ინოვაციური პროდუქციის წარმოებასთან დაკავშირებული გამოწვევები მეტად აქტუალური გახდა. სწორედ ამ მისიით, კომპანია „ბიოტექსის“ R&D – დეპარტამენტის ბაზაზე ჩამოყალიბდა ბიორაციონალური ტექნოლოგიების კვლევითი ცენტრი – “BrTRC”. მისი მიზანია აგრარულ სფეროში, მედიცინასა და ეკოლოგიაში ინოვაციური პროექტების შემუშავება და განხორციელება, რომლებიც ძირითადად სოციალური ხასიათის პრობლემების გადაჭრას ემსახურება. ცენტრის შექმნამდე ამ საქმიანობას 25 წლის განმავლობაში ეწეოდა სამეცნიერო-საწარმოო გაერთიანება „ბიოტექსი“, რომლის განვითარებამ და სამეცნიერო კვლევების გაფართოვებამ განაპირობა ორგანიზაციის სულ სხვა რელსებზე გადასვლა. ცენტრის ირგვლივ გაერთიანებული არიან ინდუსტრიული პარტნიორები საკუთარი პროფილითა და ფუნქციებით. თუმცა, ის მუშაობს ღია კარის პრინციპით, რაც იმას ნიშნავს, რომ ნებისმიერ მეცნიერსა თუ სამეცნიერო ჯგუფს, საწარმოო ორგანიზაციას და სხვა, შეუძლიათ ცენტრის რესურსების გამოყენება.
კომპანიის დირექტორმა აღნიშნა ისიც, რომ თანამედროვე მსოფლიოში შეიცვალა გამოგონების, ინტელექტუალური პროდუქტის, შექმნის გზებიც. გამოგონება ეფუძნება არა ერთი პიროვნების, არამედ მეცნიერთა, მკვლევართა და სხვა ჯგუფების ერთობლივი შრომის შედეგს. სწორედ ასეთ საინოვაციო ცენტრს წარმოადგენს დღეს “BrTRC”, საუკეთესო კლინიკური, სადიაგნოსტიკო და საანალიზო ლაბორატორიული ბაზით. კომპანიის წარმომადგენლებმა მიუთითეს, რომ წარმოების წინსვლა და განვითარება მეცნიერების თანადგომის გარეშე შეუძლებელია. სწორედ ამიტომაც კომპანიის სლოგანია „ჩვენი ძალა ცოდნაშია“- აღნიშნა დოქტ. ნ. ზაზაშვილმა. 

სემინარის მონაწილეების კითხვებს უპასუხა კომპანიის დირექტორმა,

ხოლო კომპანიის შესახებ შთაბეჭდილებებზე ისაუბრეს აკადემიკოსებმა ჯ. გუგუშვილმა, ე. შაფაქიძემ, თ. ყურაშვილმა, ვეტერინარული კლინიკის ხელმძღვანელმა ქ-ნმა ნ. ომარაშვილმა, წამყ. სპეციალისტმა ქ. ჭიპაშვილმა და სხვებმა. 

სემინარის მონაწილეებმა დაათვალიერეს კომპანია „ბიოტექსის“ საწარმოო კორპუსი, ლაბორატორიები, ბიორაციონალური ტექნოლოგიების კვლევითი ცენტრი და კომპანიის ახლად შექმნილი მარკეტინგული ცენტრი (სადაც განმარტებებს იძლეოდა დოქტ. მიხეილ ჭიჭაყუა), რომელსაც მჭიდრო კავშირი აქვს როგორც ადგილობრივი, ისე მეზობელი სახელმწიფოების მეცხოველეობის დარგით დაინტერესებულ ფერმერებთან.

     2021 წლის 29-30 სექტემბერს უკრაინის ქ. ლვოვში, უკრაინის აგრარულ მეცნიერებათა ეროვნული აკადემიის ცხოველთა ბიოლოგიის ინსტიტუტში გაიმართა პირველი უკრაინულ – პოლონური სამეცნიერო ფორუმი „AGROBIOPERSPECTIVES“, რომლის მუშაობაში მონაწილება მიიღო საქართველოს სოფლის მეურნეობის მეცნიერებათა აკადემიის პრეზიდენტის მოადგილემ, სამეცნიერო განყოფილებების კოორდინატორმა, სოფლის მეურნეობის დოქტორმა ანატოლი გიორგაძემ. პირველმა უკრაინულ -პოლონურმა ფორუმმა შეკრიბა 130 -ზე მეტი მეცნიერი ხუთი ქვეყნიდან - უკრაინიდან, პოლონეთიდან, კანადიდან, საქართველოდან და მოლდოვიდან, რომლებიც წარმოადგენდნენ 31 სამეცნიერო დაწესებულებას. 124 სამეცნიერო ნაშრომი გამოქვეყნებული იქნა სამეცნიერო ჟურნალში “Biology of Animals”.

    ფორუმი გახსნა იური სალიგამ - ცხოველთა ბიოლოგიის ინსტიტუტის დირექტორმა, ბიოლოგიურ მეცნიერებათა დოქტორმა, რომელმაც ხაზგასმით აღნიშნა ფორუმის ძირითადი მიზანი - სამეცნიერო კონტაქტების ხელშეწყობა მეცნიერებს შორის და დისკუსია მეცხოველეობაში მიმდინარე სამეცნიერო კვლევებზე. კერძოდ, ისეთ საკითხებზე, როგორიცაა: ცხოველთა პროდუქტიულობა, კვება და ბიოლოგია; ცხოველთა ჯანმრთელობა; ბიოტექნოლოგია მეცხოველეობაში; ცხოველების შერჩევა და მოშენება; გარემოს დაბინძურება მეცხოველეობის ნარჩენებით; მეცხოველეობის პროდუქციის ხარისხის, წარმოებისა და გადამუშავების უსაფრთხოების პრობლემები; ორგანული მეცხოველეობის პროდუქციის წარმოების თავისებურებანი, ასევე ინოვაციების განვითარება, რომლებიც აკმაყოფილებს სოციალურ საჭიროებებს.

     დოქტორი ა. გიორგაძე მიესალმა სამეცნიერო ფორუმის მონაწილეებს და პლენარულ სხდომაზე წარმოადგინა პრეზენტაცია “ინოვაციური ტექნოლოგია მწყერის კვერცხის ინკუბაციაში“.

     სამეცნიერო ფორუმის მონაწილეებს ასევე მიესალმნენ: უკრაინის აგრარული მეცნიერებების ეროვნული აკადემიის პრეზიდიუმის სახელით, ზოოტექნიკის სამეცნიერო განყოფილების აკადემიკოს-მდივანი, აკადემიკოსი ოსტაპ ჟუკორსკი, პოლონეთის რესპუბლიკის კონსული ტომაშ გრიზბკოვსკი; პოლონეთის რესპუბლიკის მეცნიერთა დელეგაცია - კრაკოვის უგო კოლონტაის სასოფლო -სამეურნეო უნივერსიტეტი; ზოოტექნიკის ინსტიტუტი, ბალიცე; ლუბლინის აგრარული უნივერსიტეტი; ასევე, ქ. ლვოვის მერის პირველი მოადგილე ანდრია მოსკალენკო, უკრაინის უმაღლესი რადას განათლების, მეცნიერებისა და ინოვაციების კომიტეტის წევრი, ქალბატონი ნატალია პიპა. ლვოვის ეროვნული აგრარული უნივერსიტეტის რექტორი აკადემიკოსი ვლადიმირ სნიტინსკი.

          ფორუმის ფარგლებში გაიმართა მრგვალი მაგიდა, რომლის მუშაობაშიც პოლონელ და უკრაინელ კოლეგებთან ერთად მონაწილეობა მიიღო დოქტორმა ანატოლი გიორგაძემ. დასახული იქნა შემდგომი სამეცნიერო თანამშრომლობის გეგმები.

            ფორუმის ბოლოს მიღებული იქნა რეზოლუცია. გადაწყდა, რომ შემდეგი უკრაინულ-პოლონური ფორუმი ორი წლის შემდეგ გაიმართება პოლონეთის რესპუბლიკაში.

უკრაინულ -პოლონურ ფორუმს მხარს უჭერდა და სპონსორობას უწევდა ქ. ლვოვის მერია.

ფორუმის გენერალური სპონსორი იყო კომპანია PJSC "Enzyme Company",

ასევე სპონსორები - შპს "სფერო სიმ", შპს "მირა" და სხვები. 

             აკადემიკოს ნოდარ ჭითანავას ახალი მონოგრაფია

აკადემიკოსმა ნოდარ ჭითანავამ ქართველ საზოგადოებას მიაწოდა მეტად მნიშვნელოვანი მონოგრაფია - „გლობალური გამოწვევები ერთპოლუსიან მსოფლიოში (საქართველოს ეკონომიკის ტრანსფორმაციის ხილული და უხილავი პრობლემები)“- სამეცნიერო რედაქტორი იური პაპასქუა - ეკონიმიკის აკადემიური დოქტორი, პროფესორი; რედაქტორ-გამომცემელი ზაურ ნაჭყებია - ჟურნალის „ბიზნესი და კანინმდებლობა“ რედაქტორთა საბჭოს თავმჯდომარე, პუბლიცისტი.

წარმოდგენილ ნაშრომში გაანალიზებულია ეროვნული ეკონომიკის ტრანსფორმაციის 30-წლიანი გამოცდილება, მიზეზ-ფაქტორები, რომლებმაც განაპირობეს ქვეყნის პოლიტიკური, სოციალურ-ეკონომიკური განვითარების ზიგზაგისებური ხასიათი, კონტრასტული ნიშანთვისებები, საზოგადოებაში ინტერესების დაპირისპირების პროცესები, კორონავირუსის ეპიდემიით გამოწვეული პრობლემები. შემოთავაზებულია სისტემური კრიზისიდან გამოსვლის დაჩქარებისა და ეკონომიკის თვისებრივად ახალ ტრაექტორიაზე გადასვლისათვის კონცეპტუალური და მეთოდოლოგიური რეკომენდაციები.

წიგნი განკუთვნილია საქართველოს პოლიტიკური და სოციალურ-ეკონომიკური პრობლემებით დაინტერესებული მკითხველისათვის.

აჭარის ავტონომიური რესპუბლიკის სოფლის მეურნეობის სამინისტროს ინიციატივით 2021 წელს გამოიცა საქართველოს სოფლის მეურნეობის მეცნიეებათა აკადემიის აკადემიკოს რეზო ჯაბნიძის 650 გვერდიანი წიგნი: „სუბტროპიკული კულტურები“ (ტირაჟი - 400 ცალი), რომელიც უსასყიდლოდ გადაეცემა აგრარულ სფეროში მომუშავე ფერმერებს, სპეციალისტებს, მეცნიერებს, სტუდენტებს და ამ დარგით დაინტერესებულ პირებს. ავტორი მადლობას უხდის აჭარის ავტონომიური რესპუბლიკის სოფლის მეურნეობის მინისტრს ბატონ გიორგი სურმანიძეს, წიგნის გამოცემაში მხარდაჭერისა და შეტანილი წვლილისთვის.

ნაშრომში განხილულია 28 სა­ხელ­წო­დე­ბის კუ­ლ­­­ტუ­რა, რომლის ამ­ოც­ან­აა სუბ­ტრო­პი­კუ­ლი კულ­ტუ­რე­ბის ბი­ოლ­ო­­­­გ­ი­ურ თა­ვი­სე­ბუ­რე­ბა­თა ღრმა ცოდ­­­ნის სა­ფუძ­ველ­ზე სრუ­ლ­­­ყო­ს მოვ­ლა-მოყ­ვა­ნის პროგ­რე­სუ­ლი ტექ­ნო­ლო­გია, კონ­­­­კ­­­­­­რე­ტუ­ლი ნი­ად­აგ­ურ-კლი­მა­ტუ­რი პი­რო­ბე­ბის გათ­ვა­ლის­­­­წი­­ნე­ბით, რაც უზ­რუნ­ველ­ყოფს მცე­ნა­რე­თა უხვი და მა­ღალ­­ხა­რის­­ხი­ანი მო­სავ­ლის მი­ღე­ბას.

კურსი მოიცავს ორ მთავარ ნაწილს, სადაც განხილულია სუბ­ტრო­პი­კუ­ლი ჩაი და ხე­ხი­ლოვ­ნე­ბი _ ციტ­რუ­სე­ბი, ხურ­მა, ფე­იჰ­ოა, კი­ვი, ლეღ­ვი, მუშ­მუ­ლა, ბრო­წე­უ­ლი, ზე­თის­ხი­ლი, უნ­ა­ბი, ავ­ოკ­ა­დო, აქ­ტი­ნი­დია, აზ­იმ­ი­ნა, წყა­ვი;

-   სუბ­ტრო­პი­კუ­ლი კაკ­ლოვ­ნე­ბი _ თხი­ლი, კა­კა­ლი, ფსტა, პე­კა­ნი, წაბლი;

-   სუბტროპიკული ტექნიკური და სამკურნალო მცენარეები - ევკა­ლიპ­ტი, კეთილშობილური დაფნა, ბამბუკი, ტუნგი, ევგე­ნოლის რე­ჰანი, ყაზანლიყის ვარდი, სტევია და სხვა.

     საერთაშორისო დღეების იდეა მდგომარეობს ფართო საზოგადოების საგანმანათლებლო საკითხების, პოლიტიკური ნებისა და რესურსების მობილიზებაში გლობალური პრობლემების გადასაჭრელად. გარდა ამისა იგი ემსახურება კაცობრიობის მიღწევების აღნიშვნასა და განმტკიცებას. გაერომ საერთაშორისო დღეების აღნიშვნა აღიქვა, როგორც მძლავრი ინსტრუმენტი ხალხის ცნობიერების და ინფორმირებულობის ასამაღლებად.      

ოზონი წარმოადგენს ჩვენი ატმოსფეროს ძალიან მცირე ნაწილს, მაგრამ მისი არსებობა უაღრესად მნიშვნელოვანია ადამიანის კეთილდღეობისთვის. ოზონის უმეტესი ნაწილი განთავსებულია ატმოსფეროს მაღალ სფეროში, დედამიწის ზედაპირიდან 10-დან 40 კმ-მდე. ამ ტერიტორიას სტრატოსფეროს უწოდებენ და შეიცავს მთელი ატმოსფერული ოზონის დაახლოებით 90%-ს.

1985 წელს მსოფლიოს მთავრობებმა მიიღეს ვენის კონვენცია ოზონის შრის დაცვის შესახებ. აღნიშნული კონვენციის მონრეალის პროტოკოლის თანახმად, მთავრობებმა, მეცნიერებმა და მრეწველებმა ერთობლივად შეზღუდეს ოზონის დამშლელი ნივთიერებების 99 პროცენტის გამოყენება. შემდეგ მონრეალში შემუშავდა პროტოკოლი, რომლის მიზანია აღადგინოს ოზონის შრე და საუკუნის შუა პერიოდისთვის მიაღწიოს 1980-იანი წლების მდგომარეობას. კიგალის შესწორების მხარდასაჭერად, რომელიც ძალაში შევიდა 2019 წელს, ჩატარდება სამუშაოები ჰიდროფტორნახშირბადის (HFC) და სათბურის გაზების გამომფრქვევის შესამცირებლად, რომლებიც ხელს უწყობენ დათბობას და ზიანს აყენებენ გარემოს.

წელს კაცობრიობა ზეიმობს ვენის კონვენციის და ოზონის შრის დაცვის 36-ე წლისთავს. დედამიწაზე ცხოვრება წარმოუდგენელია მზის სხივების გარეშე. მაგრამ მზის მიერ გამოყოფილი ენერგია ძალზე მომაკვდინებელი იქნებოდა დედამიწაზე მაცხოვრებლებისათვის, რომ არა ოზონის შრე. სტრატოსფეროს ეს ფენა დედამიწას იცავს მზის მავნე ულტრაიისფერი გამოსხივების უმეტესი ნაწილისგან. მზის ენერგია იძლევა სიცოცხლეს, მაგრამ ოზონის შრე გვინარჩუნებს ცხოვრების საშუალებას. როდესაც 1970-იანი წლების ბოლოს მომუშავე მეცნიერებმა აღმოაჩინეს, რომ კაცობრიობა ამ დამცავ ფარს „ჯიჯგნიდა“ მათ განგაში ატეხეს. „ხვრელები“ გაჩნდა ოზონის დამშლელი გაზებით (ODS), რომლებიც გამოიყენება აეროზოლებში და სამაცივრე სისტემებში, კონდიციონერებში. ეს ნივთიერებები საფრთხეს უქმნის არამარტო ოზონის ფენას, არამედ უარყოფითად მოქმედებს ცოცხალ ორგანიზმებზე. ისინი იწვევენ კანის კიბოს და კატარაქტას, ამავდროულად ზიანს აყენებენ მთელ ეკოსისტემას.

პანდემიის პერიოდმა ცხადყო, რომ კოლექტიური გადაწყვეტილებების დანერგვა და მეცნიერულ ცოდნაზე დაფუძნებული მოქმედება გლობალური კრიზისების გადაჭრის ერთადერთი გზაა. გზავნილი ოზონის შრის დაცვის შესახებ ამ ეტაპზე კიდევ უფრო მნიშვნელოვანი გახდა, ვიდრე ოდესმე. რეალობა გვკარნახობს, რომ ჩვენ ერთად უნდა ვიმუშაოთ ჰარმონიულად - ყველასთვის სასიკეთოდ. დღის დევიზი გვახსენებს, რომ ოზონს აქვს გადამწყვეტი მნიშვნელობა დედამიწაზე სიცოცხლის არსებობისათვის და რომ ჩვენ უნდა გავაგრძელოთ ოზონის შრის დაცვა, რათა შევუნარჩუნოთ ის მომავალ თაობებს.

ოზონის საერთაშორისო დღესთან დაკავშირებით გთავაზობთ საქართველოს სოფლის მეურნეობის მეცნიერებათა აკადემიის სამეცნიერო განყოფილებების სწავლული მდივნის, დოქტორ რევაზ ლოლიშვილის სტატიას - 

„შეინარჩუნე ცა - დაიცავი თავი, დაიცავი ოზონის შრე“ (სტატია იხილეთ ბმულზე).

2021 წლის 19 ივლისიდან საქართველოს მთავრობის დადგენილებით ტრეინინგებზე, კონფერენციებსა და სემინარებზე მონაწილეთა დასწრება მხოლოდ წინასწარი PCR ტესტირების საფუძველზე იქნება შესაძლებელი.

ამასთან დაკავშირებით არსებული სიტუაციის გამო სამეცნიერო განყოფილებებისა და აკადემიის პრეზიდიუმის სხდომებზე  განსახილველი მოხსენებების ელ. ვერსიას ფართო აუდიტორიისათვის გასაცნობად წარმოგიდგენთ აკადემიის  ვებ-გვერდზე ბმულების სახით.

საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის  შესაბამისად 

2021 წლის 29 სექტემბერს გათვალიწინებული იყო  აკადემიის პრეზიდიუმის სხდომა

(გამოკითხვის წესით) შემდეგი დღის წესრიგით:

1.  საქართველოს სოფლის მეურნეობის მეცნიერებათა აკადემიაში აკადემიის ნამდვილი წევრის (აკადემიკოსის) ვაკანტურ ადგილებზე გამოცხადებული კონკურსის აკადემიის სამეცნიერო განყოფილებებში ჩატარების თარიღების დამტკიცების შესახებ.

მომხსენებელი: საქართველოს სოფლის მეურნეობის მეცნიერებათა აკადემიაში აკადემიის პრეზიდენტი, აკადემიკოსი გურამ ალექსიძე;

აკადემიის პრეზიდიუმის წევრებთან შეთანხმებით (გამოკითხვის წესით) საქართველოს სოფლის მეურნეობის მეცნიერებათა აკადემიაში ერთჯერადად გაერთიანებული სამეცნიერო განყოფილებების სხდომები ჩატარდება შემდეგ თარიღებში:

1.1.   მეცხოველეობის და ვეტერინარიის და აგრონომიის სამეცნიერო განყოფილებების გაერთიანებული სხდომა - 2021 წ. 25 ოქტომბერს 12-00 საათზე;

1.2.     გარემოს დაცვისა და სატყეო საქმის და აგროინჟინერიის სამეცნიერო განყოფილებების გაერთიანებული სხდომა - 2021 წ. 26 ოქტომბერს 12-00 საათზე;

1.3.     სურსათის უვნებლობისა და სასურსათო ტექნოლოგიის და აგროინჟინერიის სამეცნიერო განყოფილებების გაერთიანებული სხდომა - 2021 წ. 26 ოქტომბერს 14-00 საათზე;

2.   სუბტროპიკული სოფლის მეურნეობის პრიორიტეტული მიმართულებების ეკონომიკური და ეკოლოგიური ასპექტების შესახებ.

       მომხსენებელი: აკადემიკოსი როლანდ კოპალიანი (მოხსენება იხილეთ ბმულზე);

3.   ევროპის ახალი (2030) სატყეო სტრატეგია და გამოწვევები საქართველოს სატყეო სექტორისთვის.

მომხსენებელი: საქართველოს სოფლის მეურნეობის მეცნიერებათა აკადემიის სტიპენდიატი, სატყეო საქმის დოქტორი გიორგი ქავთარაძე (მოხსენება იხილეთ ბმულზე);.

4. მიმდინარე საკითხები.

 1.  საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის შესაბამისად 2021 წლის 13 სექტემბერს გათვალიწინებული იყო მეცხოველეობისა და ვეტერინარიის სამეცნიერო განყოფილების სხდომა შემდეგი დღის წესრიგით:

1. ბოცვრის გამოზრდის თანამედროვე ტექნოლოგიების შესახებ.

მომხსენებლები: აკადემიკოსი ჯემალ გუგუშვილი,

სოფლის მეურნეობის დოქტორი მარინე ბარვენაშვილი (მოხსენება იხილეთ ბმულზე).

2. მიმდინარე საკითხები.

 2.   საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის შესაბამისად 2021 წლის 17 სექტემბერს გათვალისწინებული იყო გარემოს დაცვისა და სატყეო საქმის სამეცნიერო   განყოფილების სხდომა შემდეგი დღის წესრიგით:

1.საქართველოს სუბალპურ ტყის ეკოსისტემაში დაცვით-ეკოლოგიური ფუნქციების მდგრადობის, მათი თანამედროვე მდგომარეობისა და აღდგენითი ღონისძიებების შესახებ.

მომხსენებელი: გარემოს დაცვისა და სატყეო საქმის სამეცნიერო განყოფილების სწავლული მდივანი,

სოფლის მეურნეობის მეცნიერებათა დოქტორი ლაშა დოლიძე (მოხენება იხილეთ მბულზე)

2.       მიმდინარე საკითხები.

3. საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის შესაბამისად 2021 წლის 20 სექტემბერს გათვალიწინებული იყო აგროინჟინერიის სამეცნიერო განყოფილების სხდომა შემდეგი დღის წესრიგით:

1. აკადემიკოს ჯემალ კაციტაძის ანგარიში 2020 წელს ჩატარებული სამეცნიერო მუშაობის შესახებ.

მომხსენებელი: აკადემიკოსი ჯემალ კაციტაძე (მოხსენება იხილეთ ბმულზე).

2. მიმდინარე საკითხები.

4. საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის შესაბამისად 2021 წლის 22 სექტემბერს გათვალიწინებული იყო ეკონომიკის სამეცნიერო განყოფილების სხდომა შემდეგი დღის წესრიგით:

1.აკადემიკოს ნაპოლეონ ქარქაშაძის ანგარიში 2020 წელს ჩატარებული სამეცნიერო მუშაობის შესახებ;

მომხსენებელი:  აკადემიკოსი  ნაპოლეონ ქარქაშაძე (მოხსენება იხილეთ ბმულზე);

2. მიმდინარე საკითხები.

5.  საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის შესაბამისად 2021 წლის 24 სექტემბერს გათვალიწინებული იყო აგრონომიის სამეცნიერო განყოფილების სხდომა შემდეგი დღის წესრიგით:

1. მომხსენებელი: აკადემიკოსი როლანდ კოპალიანი (აკად. რ. კოპალიანის მოხსენება იხილეთ ბმულზე).

2.   მიმდინარე საკითხები.

 6.  საქართველოს სოფლის მეურნეობის მეცნიერებათა აკადემიის 2021 წლის სამუშაო გეგმის შესაბამისად 2021 წლის 28სექტემბერს გათვალიწინებული იყო სურსათის უვნებლობისა და სასურსათო ტექნოლოგიის  სამეცნიერო განყოფილების სხდომა შემდეგი დღის წესრიგით:

1. სურსათის უვნებლობის რისკის შეფასების ინიცირების პროცედურების დოკუმენტის განხილვის შესახებ.

მომხსენებელი: საქართველოს სოფლის მეურნეობის მეცნიერებათა აკადემიის სტიპენდიატი, USBA პროექტის ექსპერტი-კონსულტანტი,

ქიმიის დოქტორი დარეჯან დუღაშვილი (მოხსენება იხილეთ ბმულზე)

2. მიმდინარე საკითხები.